الرئيسية
البوابة
أحدث الصور
عليك الكلب صاير نار
وانت بحضنك الجنة
ولوتدري بينا اصار
واسوة الدمع والونة
واسانة الاخو والجار
وجنابك ماسأل عنة
عشكناك بكلب منهار
دخيلك بللة ارحمنة
وتدرينة شكد عليك نغار
والغيرة نوبات تذبحنة
من غيرك وحشة علينا الدار
وبصدك وك لاتموتنة
********
ســــــــــامحيني
سامحيني جنت قاسي وياج
اذيتج وماتاذيني
ظلمتج بشكي وظنوني
وغيرتي وين بعد توديني
يادمع المانشف تنهيد
يلمارضيتي يوم تبجيني
سامحيني
وروحي ورقة بيدج
شماردتي اكتبيني
لو تخليني
لوبيدج تحركيني
ســــــــامحيني
*******
اني لوفعلا حبيك ماتروح
وماتخليني اعيش وي الجروح
ليش لان بحركة كلب حبيتك
وملكت الفكر والكلب والروح
وك لاتضيعني وتضيع
واني مشتريك بعمري
ولو مال الدنيا ابد ماابيع
يمر خريف عمري بشتا وصيف
بس انت اشوفك ربيع
لاتسد بابك بوجهي
وباب العمر الك مفتوح
اني لو فعلا حبيبك ماتروح
وماتخليني اعيش وي الجروح
********
اني لو غالي عليك ماتضيعني
من ايديك
ابيع عمري بسوك الهجر
بس ليلة من عمري اشتريك
ابد مانسة حبك والمواعيد
يلشوفتك للعمر عيد
اطلب شماردت اكول حاضر
اطلب كول شماتريد
ماريدك تمر وتعني نفسك
اني اعتنيلك واجيك
اني لوغالي عليك
ماتضيعني من ايديك
*******
» الخرافة.........واحمد مطر
» الشاعر احمد مطر ..في سطور
» نعم انا ارهابي......للشاعر احمد مطر
» عيد ميلادي ال.........قادم
» فن المقالة
» الشاعرة فدعة الزيرجاويه......خنساء عراقية
» بيش اصبر الروح
» سيرة حياة الشاعر بدر شاكر السياب