همسات الشاعر على القريشي

منتدى يهتم بالشعر والادب والصحافه

المواضيع الأخيرة

» الشاعرة العراقية (لميعة عباس عمارة)
السبت سبتمبر 24, 2011 4:58 am من طرف علي مطير

» الخرافة.........واحمد مطر
الإثنين سبتمبر 12, 2011 3:00 pm من طرف ammira

» الشاعر احمد مطر ..في سطور
الإثنين سبتمبر 12, 2011 2:56 pm من طرف ammira

» نعم انا ارهابي......للشاعر احمد مطر
الإثنين سبتمبر 12, 2011 2:52 pm من طرف ammira

» عيد ميلادي ال.........قادم
الإثنين سبتمبر 12, 2011 2:20 pm من طرف ammira

» فن المقالة
الإثنين سبتمبر 12, 2011 10:59 am من طرف ammira

» الشاعرة فدعة الزيرجاويه......خنساء عراقية
الثلاثاء سبتمبر 06, 2011 10:23 am من طرف ammira

» بيش اصبر الروح
الثلاثاء سبتمبر 06, 2011 8:54 am من طرف ammira

» سيرة حياة الشاعر بدر شاكر السياب
الثلاثاء سبتمبر 06, 2011 8:38 am من طرف ammira

التبادل الاعلاني

راديو سوا


    مختارات من ابيات الابوذية/

    شاطر

    علي مطير
    Admin

    عدد المساهمات : 29
    تاريخ التسجيل : 11/10/2009
    الموقع : http://alimk.yoo7.com

    مختارات من ابيات الابوذية/

    مُساهمة  علي مطير في الخميس نوفمبر 04, 2010 3:51 pm

    [

    مختارات من ابيات ابوذية

    عطشنة وماشربنة ماي شطاك
    وعفينة وماعرفنة اسباب شطاك
    كلي الوهدناك تخون شطاك

    وشخذمنك ثمن جرمك علية؟

    *******
    بعد مالي عليهم دوم راحاي
    وتظل تطحن تغارات راحاي
    تظل تصفج لحد الموت راحاي
    نشامة وخلفوا نيران بيه

    ******

    شكرا ياعضيد الي وخي لاي
    اخي شامت بخية وخي لاي
    اجي فزاع بالضيجة وخي لاي
    بلاية سروج كاصد للمنية

    ******
    انة همي مايشيلة الجبل والتال
    انة من ايدي ضيعيت العيط والتال
    مر بمر اوليتةانكضت والتال؟
    غريب ديار محد يمر بية
    ******

    ندم مايوم دك بابك ومرك
    وانا الشارب سكم ضيمك ومرك
    على حيلي شلت حلوك ومرك
    وكف حيلك رجل يسحك علية

    *******

    سنة فاتت من فراكك ونصهة
    نظرتك عني قللهة ونصهة
    على اليوم ارد اسولفلك ونصهة
    ابعد لاتهيج الالم بية

    *******

    ربككل بشر قسمة قسم لاه
    قسم يشكر ربه قسم لاه
    تظن البية من ايدي قسم لاه
    من ايدية وشلون بلا ايدية

    *******

    اكو ناس الرذيلة منجم الهة
    متميز الناكة من جملهة
    كمت ماعرف كلشي من جملهة
    رطينة ودردمة وغيبة واذية

    *******

    على اعداي من اطيحن خردل اني
    ياوسفة الليالي خردلنــــــــــــي
    عكب ماجنت مصمت خردة لني
    وكمت ماينشرة وينباع بية

    ********

    تاه الكلب عندي من فتاها
    كلي سنين صدك من فتاها؟
    اذا قدت زليخة من فتاها
    ليش انت العمر قديتة لية

    ********

    ابابك روحي وكفت ماتسلهة
    جميع افراح وكتك ماتسلهة
    شمتانية سيوفك ماتسلهة؟
    اذا للضيج مر الضيج بية

    *******

    اعنادك مايفيدك بعد وعياك
    كلام الحق يلجمك حجر وعياك
    لانك جاهل ومحدود وعيك
    نزعت صويحبك جن جلد حية

    *******

    يظل خط الكرامة مالة فاني
    شمالة الجفن بعدك مالفاني؟
    اذا خطار طول مالفاني
    اهدم البيت والطم بالثنية

    ********


    الف دنياي كلهة ماتلفني
    عنيد وغير شخصك ماتلفني
    عمت عين المنايا ماتلفني
    اهز دنية (ومرة ) تلعب علية

    ********

    عطاشة خيل ودهم لاتردهة
    وناس الماتريدك لاتردهة
    وسط شمات ايدي لاتردهة
    ومن يجفون كص اثنين ايدية

    *******

    عليك المات والحي سائل انة
    صلب لكن لربعي سائل انة
    وكفت بباب بيتك سائل اني
    اذا ماتطي ليش تكص ايدية؟

    *******

    وطن من زغر اجلنك ورسماك
    وارى كاعك غطاهة الذل وارى سماك
    شلون الحوت يمشي ورة سماك؟
    وشلون الصكر يكف بوسط فية؟

    *******

    صحتني انت وكلت حاضر انة
    والماضي وراي تركتة حاضر انة
    الزمن صار استاد وحاضرانة
    عافك وكام يشرح بس الية

    ********

    حياتي عكب شخصك شلي بيهة؟
    وجميع عضاي صارت شلي بيها
    توديلي رسايل شلي بيهة
    اريدن شوفتك ونكعد سوية

    ********

    وحك صفين والخندق وحطين
    بفراكك املش الراس وحطين
    ولو تلاكينا اطيرن وحطن
    شحال رقمك دك علية

    ********

    بوسط عيني بوسط كلبي وشم بيك
    وابد متضيع ياغالي وشم بيك
    على اخبالي وعلى صحتي وشم بيك
    وعلى اخباري تراويني المنية

    ********

    اداوي الروح لجلك منتداري
    وتدري شكد احبك منتداري
    تكلي وين ساكن منتداري
    ساكن بيك وانت سكنت بية

    ********

    يظل حبك بكلبي علي دين
    عهد للموت ماانساك علي دين
    لوما البعد لمشيك علي دين
    فداك الروح بس ترضة علية

    *******

    شكثر بجفاك ون كلبي وهم لك
    وعقلي غفل فاركني وهم لك
    شتظن انساك يلغالي وهم لك
    وانت بكلبي دوم ادور علية

    ********

    يبعدني الوكت عنك وردلك
    واحب يوصلني مرسالك وردلك
    باقة لروح اقدمها ورد لك
    واقدم عمري للغالي هدية

    ********

    ترة الواشي عرف حبي وشاعة
    وابد لتظن جذب حبنة وشاعة
    انة لكلبي خذت صورة واشاعة
    طلع مكتوب حبك للمنية

    ********

    صرت شاعر بحبك وانت نايم
    واسف لو زعجتك وانت نايم
    احب ارسل رسالة وانت نايم
    تظل للصبح تلكاهة هدية


    ********

    روحي المجد والعلية وكرهة
    الروس الخانعة اطعهة وكرهة
    اموت من البخل واهلة واكرهة
    وجريمة اشعربخيل يسوس بية

    ********

    صديق الزين من الفين ينعد
    ومثل الذهب بالتيزاب ينعد
    المثلك من خيار الزلم ينعد
    الطيب والوفة عندك والخوية

    ********

    نهوني الناس عنك منتهاني
    وابد ماشاف كلبي من تهاني
    علي تسال شكلك منتهي اني
    طريح فراش من فركاك الية

    ********


    ليس المهم ان اكون صفحه في حياة احدهم , ولكن المهم ان اكون نقطه في نهايه السطر , يتوقفون عندي , يبتسمون او يذرفون دمعه اذا كنت قد رحلت عن هذه الدنيا حين تسلك الطرق فتجدها قد سُدَّت وتطرق الأبواب فتجدها قد أُغلقت وتطلب العون من أهل العون فماتجد إلا عاجزاً أو جبان فاعلم ان الله سبحانه إنما سدَّ عنك الأبواب كلها لتُطرق بابه وقطع عنك الحبال لتستعصم بحبله وأنه اشتاق إليك ليسمع منك صوتك وندائكفاهتف بإسمه داعياً فلن يخيب رجائك
    علي


    عدل سابقا من قبل Admin في الجمعة نوفمبر 12, 2010 1:26 am عدل 4 مرات

    علي مطير
    Admin

    عدد المساهمات : 29
    تاريخ التسجيل : 11/10/2009
    الموقع : http://alimk.yoo7.com

    رد: مختارات من ابيات الابوذية/

    مُساهمة  علي مطير في الخميس نوفمبر 04, 2010 3:55 pm

    روائع جميلة جدا تكلمت عن نفس صامتة وقلب جريح

      الوقت/التاريخ الآن هو الأربعاء فبراير 22, 2017 10:01 pm