همسات الشاعر على القريشي

منتدى يهتم بالشعر والادب والصحافه

المواضيع الأخيرة

» الشاعرة العراقية (لميعة عباس عمارة)
السبت سبتمبر 24, 2011 4:58 am من طرف علي مطير

» الخرافة.........واحمد مطر
الإثنين سبتمبر 12, 2011 3:00 pm من طرف ammira

» الشاعر احمد مطر ..في سطور
الإثنين سبتمبر 12, 2011 2:56 pm من طرف ammira

» نعم انا ارهابي......للشاعر احمد مطر
الإثنين سبتمبر 12, 2011 2:52 pm من طرف ammira

» عيد ميلادي ال.........قادم
الإثنين سبتمبر 12, 2011 2:20 pm من طرف ammira

» فن المقالة
الإثنين سبتمبر 12, 2011 10:59 am من طرف ammira

» الشاعرة فدعة الزيرجاويه......خنساء عراقية
الثلاثاء سبتمبر 06, 2011 10:23 am من طرف ammira

» بيش اصبر الروح
الثلاثاء سبتمبر 06, 2011 8:54 am من طرف ammira

» سيرة حياة الشاعر بدر شاكر السياب
الثلاثاء سبتمبر 06, 2011 8:38 am من طرف ammira

التبادل الاعلاني

راديو سوا


    همسات الانين/الشاعرعلي القريشي

    شاطر
    avatar
    علي مطير
    Admin

    المساهمات : 29
    تاريخ التسجيل : 11/10/2009
    الموقع : http://alimk.yoo7.com

    همسات الانين/الشاعرعلي القريشي

    مُساهمة  علي مطير في الثلاثاء نوفمبر 02, 2010 3:08 am


    اني لو غالي عليك ماتضيعني
    من ايديك
    ابيع عمري بسوك الهجر
    بس ليلة من عمري اشتريك
    ابد مانسة حبك والمواعيد
    يلشوفتك للعمر عيد
    اطلب شماردت اكول حاضر
    اطلب كول شماتريد
    ماريدك تمر وتعني نفسك
    اني اعتنيلك واجيك
    اني لوغالي عليك
    ماتضيعني من ايديك



    *******



    ليش احنة مومثل باقي المحبين
    ليش احنة متعذبين؟
    حتى من نلتقي مامرتاحين
    ليش من نلتقي متحيرين؟
    عدنة كلام هواي من الليل للصبح
    شريد نحجي متحلفين
    وكبل ساعة الموعد متحضرين
    شكول اني؟
    وانتي شتكولين؟
    ليش من نلتقي بموعدنة
    بعيونة حيرة واسئلة
    لا اني اعرف
    ولا انتي تعرفين !
    نسكت وبس عيونة تحجي
    ونبدا بحجاية وحدة
    جن احنة متهيأين !
    ونردنضحك وكلج
    ردت اكولها وتكولين
    ويمر بينة الوكت
    ونكول شبسرعة !
    وشطولة الوكت واحنة مبتعدين
    ليش احنة مو مثل باقي المحبين؟
    ليش احنة متعذبين؟



    *******



    ابوس ايدك لاتبعد
    وانزل دمعي بجفوفك
    انت الشوك وانت الود
    ارد اضمك لصدري
    لواحس خوفك
    تعال ارجع على احبابك
    اخاف نموت بغيابك
    شنو العمر لومااشوفك
    ياكمر ليلة حبنة المنسية
    لاتجفلني من اشوفن كسوفك
    ياجمل اسم طرز ذكرياتي
    اهيم من اكتب حروفك
    واهيم بنظرة عيونك
    من تصد يضيع الحساب والعد
    ابوس ايدك لاتبعد
    وانزل دمعي بجفوفك
    انت الشوك
    وانت الود



    ********


    خليني اعيش بحلم
    وك لاتصحيني
    ماريد اعيش الالم
    ولديار الهجر توديني
    تدري ليش اهديلك بكل موعد قلم؟
    يعني انت بكل كتاباتي وكل شعري الم
    يعني كبلك عدم
    وبعدك ماتخيل حياتي
    بس ندم
    انت بكل كتاباتي وردة وتشم
    وكلمة ونغم
    وجراحات بلا سواحل
    مابطلها الالم
    وك لاتصحيني خليني اعيش الحلم




    *******




    دير بالك على نفسك
    كلمة شكد بيها احسك
    من نتوادع سوية
    وننتظر بعد جية
    واعيش بحاضرك وامسك
    لو مر يوم ماتخابرني
    يظل غيابك يحيرني
    وينشغل بالي عليك شلون؟
    ويلوموني المايدرون
    اطير من الفرح من ينسمع حسك
    دير بالك على نفسك
    كلمة اشكد بيهة احسك
    كلشي يعجبني بيك
    نظرتك من الاكيك
    مشيتك من تمشي
    ماريدن ينطبك رمشي
    تقاسيم وجهك من تحجي
    دموعك لو كمت تبجي
    حركاتك وطريقة لبسك
    دير بالك على نفسك
    كلمة شكد بيهة احسك
    يجنن طولك وخصرك
    ويجنن ذوقك وعطرك
    بغيابك احضن طيوفك
    واحلم بلمسة جفوفك
    واهيم بحمرة خدودك
    من تشب بيك نار العتب
    اقرا وجهك شما كلبك كتب
    مدرسة حبي انت
    عفت كل الدروس وحبيت درسك
    دير بالك على نفسك
    كلمة شكد بيها احسك



    ********


    اتمنينة نلكة بيكم امانينا
    ونطرز العمر ايامة وسنينة
    بلهفة محب محتاج لحنينة
    مواعيدك والذكريات
    اليوم عيدك واللي فات
    شرد اكللك تهانينا
    اكثر من هذا امانينا
    جفانة النوم بغيابك
    وتمنينة ندك بابك
    نجيب ويانة مشاية
    يحجون وي اهلك احجاية
    شكد الغايب والمهر
    دخيلك عذبنة السهر
    اتعذبنة ومحد درة بينة
    اتمنينا نلكة بيكم امانينا
    ونبني بيت الحب والمحبة
    وطريق الفراك نعوف دربة
    بحضني اصابحك واماسيك
    وكل مامر بعمرك قهر انسيك
    يسويهة القدر؟
    يمتة تشاقينا ونشاقيك
    وتزعل وبوسة اراضيك
    واحسك حلم بعيوني
    ومن اكعد افربيك
    كافي مو قطار العمر صاح بينا
    تمنينة نلكة بيكم امانينا
    ونطرز العمر ايامة وسنينة



    ********

    الفراشة

    المساهمات : 5
    تاريخ التسجيل : 01/11/2010
    العمر : 34

    ليـــــــــــــــــــــــــــــــــــــــتـــنـــــــــــــــــــــــــــــــــــــــــــــــــــــــــــي

    مُساهمة  الفراشة في السبت ديسمبر 04, 2010 2:21 pm

    [color=darkblue][b][color=olive]ليـــــــــــــــتني هــــــمسة على شفــتاك
    دائــــــــمــة السكون والروابــــــي
    **************************************
    لـيــــــــــــــتني زهرة تـشمهــا كــل صبــاح
    فتــــــعطيـك عبـيــرهاالصافـــــــي
    **************************************
    ليــــــــــــــتني مــرآة تـــرى نـــفسك فــيها
    فــــسوف أعطيــــك احـلى الجـمالــــي
    **************************************
    لـيــــــــــــتني أريــــج الهــــــوى يــــدفيـك
    فـــــــــــي ليـــــالـــي الشــتاء
    ***************************************
    تــمنيـت الكثـــيـــر وليـــس بـــأي امنـــية رجــائي
    كنـــــت لـك كـزهرة ولــكنـك لـــم تـــسقنــي بــالــمــاء
    وأخـيـــر أعطــــيـك اشــــواكـــــي لأنــــــــــــــــــك
    نــــســـــــــيــــــــت مــــــكــــانــــــي
    (( الـــــــقـــــــلـــــــــــــــبـــــ))[/
    color]

      الوقت/التاريخ الآن هو الأربعاء أغسطس 23, 2017 1:57 am